Олунньу 28 күнүгэр С.П.Оконешников аатынан «Айылгы» култуура киинигэр Улуу Кыайыыга аналлаах «Уот сэрии тылынан…» түөлбэлэр икки ардыларыгар литратурнай дьүһүйүү күрэҕэ буолан ааста.
Күрэх сыла-соруга саха поэттарын айымньыларын үйэтитии уран тыл күүһүнэн төрөөбүт дойдуга тапталы иитии, саҥа талааннары арыйыы. Нэһилиэхпит түөлбэлэрин олохтоохторо аҕа дойду улуу сэриитин кыттыылааҕа поэт тылбаасчыт Макар Иванович Кузьмин — Макар Хара, Саха Өрөспүүбүлүкэтин народнай поэта Иван Михайлович Гоголев — Кындыл, Поэт тылбаасчыт — Илья Дорофеевич Винокуров Чаҕылҕан өлбөт-сүппэт үйэлээх айымньыларынан литератырнай дьүһүйүү туруоран дьоҥҥ-сэргэҕэ көрдөрдүлэр.
Хас биирдии түөлбэ кыттааччылара ис дууһаларыттан иэйиилээхтик аахпыттарын көрөөччүлэр сэргээтилэр, ытыс дохсун тыаһынан арыаллаатылар.
Уопсай түмүккэ «Кэскил» түөлбэ «Ким көрбүт — умнуоҕа сатаммат!» Макар Иванович Кузьмин — Макар Хара айымньыларынан дьүһүйүүлэринэн үһүс миэстэ.
«Чараҥ» түөлбэ Иван Михайлович Гоголев — Кындыл айымньыларынан «Эйэҕэ дьулүһуу» дьүһүйүүлэринэн иккис миэстэ, уонна «Сэргэлээх» түөлбэ Илья Дорофеевич Винокуров Чаҕылҕан хоһооннорунан туруорбут «Чаҕылхай Чаҕылҕан» дьүһүйүүлэринэн бастакы миэстэни ыллылар, кыайыылааахтар Добун суруктарынан уонна бириистэринэн наҕараадаланнылар. Бары кыттааччылар туоһу суругунан бэлиэтэннилэр.
Саха биллиилээх поэттара сэрии туһунан дьиҥ кырдьыгы кэпсиир, дьон-сэргэ санаатын өрө көтөҕөр айымньылара өссө да ааҕылла турдуннар!
