Бөтүҥ нэһилиэгэр Тохсунньу 1️⃣4️⃣ күнүгэр С.П. Оконешников аатынан «Айылгы» култуура киинигэр 2024 сыл түмүгүн таһаарар дьоро киэһэ ыытылынна. Үөрүүлээх тэрээһин Бөтүҥ нэһилиэгин Өрөгөй ырыатынан саҕаланна.
Нэһилиэк баһылыга Михаил Васильевич Макарлв ааспыт Дьиэ кэргэн сылыгар туох үлэлэр ыытыллыбыттарын билиһиннэрэн сыл түмүгүнэн «Бастыҥтан Бастыҥ» аҕыс анал ааттары туттарда, ол курдук:
«БАСТЫҤ БИЛИИ ЭЙГЭТИН ҮЛЭҺИТЭ» номинация туттарылынна – Дмитриев Александр Гаврильевичка;
«БАСТЫҤ ОҔО УҺУЙААНЫН ҮЛЭҺИТЭ» номинация туттарылынна Попов Герман Прокопьевичка;
«БАСТЫҤ КЫРА ТЭРИЛТЭ ҮЛЭҺИТЭ» номинация туттарылынна – Эверстова Элина Егоровнаҕа;
«БАСТЫҤ КУЛТУУРА ЭЙГЭЛЭЭХ ДЬИЭ КЭРГЭН» номинация туттарылынна – Александра Афанасьевна, Михаил Федорович Кугдановтарга;
«БАСТЫҤ ЧӨЛ ТУРУКТААХ ДЬИЭ КЭРГЭН» номинация туттарылынна – Айталина Сергеевна, Сергей Сергеевич Ивановтарга;
«БАСТЫҤ КЭТЭХ ХАҺААЙЫСТЫБАЛААХ ДЬИЭ КЭРГЭН» номинация туттарылынна – Николай Петрович, Анфиса Архиповна Сивцевтарга;
«БАСТЫҤ ДЬИЭ КЭРГЭН» номинация туттарылынна – Герман Прокопьевич, Татьяна Валериановна Поповтарга;
ОҔО СПОРДУН СЫЛЫНАН «НЭҺИЛИЭК КЭСКИЛЭ» номинация туттарыллар – Варвара Юрьевна Явловскаяҕа
Онтон салгыы юбилейдаах дьиэ кэргэттэргэ 25 сыл бииргэ олорбут — Светлана Владимировна, Иван Кимович Христофоровтарга, 30 сыл олорбут — Анна Семеновна, Григорий Васильевич Евстафьевтарга, 40 сыл олорбут — Надежда Ивановна, Петр Кустурович Слепцовтар дьиэ кэргэттэргэ эҕэрдэ сурук, бэлэх туттарда.
Сыл устата «Түөлбэ тускула» диэн бырайыак чэрчитинэн ыытыллыбыт араас кульутурнай спортивный тэрээһиннэргэ кыттыыларын түмүгүнэн бастакы миэстэни Чараҥ түөлбэ — салайааччы Васильева Аина Николаевна, Иккис миэстэ Сэргэлээх түөлбэ — салайааччы Лукина Анастасия Яковлевна, Үһүс миэстэ Кэскил — салайааччы Эверстова Элина Егоровна тиксибиттэрэ. Түөлбэ салайааччыларгыгар Грамоталары тэҥэ бэлэхтэри уонна культура активистарыгар махтал суруктары кытта бэлэхтэри туттарда — Айылгы культурнай киин директора Михаил Алексеевич Макаров
Тымныы Моруос оҕонньор бирииһигэр түөлбэлэр икки ардыларыгар ыытыллыбыт күрэххэ миэстэлэспит, бастакы миэстэни Сэргэлээх түөлбэ — салайааччы Лукина Анастасия Яковлевна, Иккис миэстэ Чараҥ түөлбэ — салайааччы Васильева Аина Николаевна, Үһүс миэстэ Кэскил — салайааччы Эверстова Элина Егоровна, түөлбэлэри наҕараадалаата дьаһалта спортинструктора Семен Федотович Стручков
Ааспыт 2024 сылга, араас таһымнаах тэрээһиннэргэ көхтөөхтүк кыттыбыт дьоммутугар сэргэбитигэр баһылык собуйааччыта Галина Прокопьевна Маркова Махтал суруктары, Почетнай грамоталары уонна бэлэхтэри туттарда.
Түмүгэр 2025 «Аҕа дойдуну көмүскээччи» сылын көрсөр «Мин патриотпун» үҥкүү толорулунна.
Тэрээһини Чөмчүк үҥкүү ансаамбыла, Дархан, Күбэйэ ырыа бөлөхторо, Таллан Бүрэ аатынан орто оскуола үөрэнээччилэрэ бэйэлэрин ырыаларынан-үҥкүүлэринэн киэргэтэн байытан биэрдилэр.
Бу курдук төһө да уустук балаһыанньаҕа олордорбут сылбыт олус өрө күүрүүлээхтик, элбэх үтүө түгэннэрдээх ааста. Олохтоох дьаһалта, тэрилтэ салайааччылара, нэһилиэкпит олохтоохторо быһаччы сүүрүүлэринэн-көтүүлэринэн, истиҥ кыһыамньыларын бу улахан сыаллар-соруктар, былааннар туоллулар🤩👏🏻